بعض البشر ينسى جميلك بسرعه
وينسى بأنك كنت واقف عشانه
دايم حضوره بس في وقت متعه
وعند الشدايد ينكشف لك بيانه
من كان واطي لا تفكر برفعه
النذل يبقى نذل دايم زمانه
واللي يضرك ما تجي منه نفعه
وصحبه الهين تجيب الإهانة
البعض يمدح وأنت وياه جمعه
ولما تجيه يقوم لك من مكانه
توك تقفي يقلب الصفر تسعه
وبالنميمة ما يوقف لسانه
يذم في ظهرك ويا شين طبعه
والمرء في الدنيا لسانه حصانه
والبعض به تعتز ونادر بنوعه
لان الوفاء منه وساكن كيانه
تلقاه في يمناك لاقلت فزعه
والفسل يخسر دائما في رهانه
يقول أبو هاجس ترى الحب خدعه
لا حد يحب إلا بشهود وضمانه