لو تُشُوفْ كَمْ بَينْ اَحِبَّكْ
لَا تقُلْ غَبْنِي عَلَيكْ
أنتَ في قَلبِي مَحلَّك
أشتكي مِنَّك إليكْ
أَشْتَكِي مِن نَارْ بُعدك
مَنْ يِطمِّني عَليك
ابعَثْ أشواقي لأجلَك
عَلَّها تُوصَلْ لديك
يَا حَبيْبِي قَبلْ مَاهْلَكْ
أو أَمُوتْ، يَاسِين عَليك!
أنتْ دُنْيَايَا وَمَامْلَكْ
والسَّعادِهْ فِي يَدَيك
يَا حَبِيْبِي أَنتْ حَالِي
والمُروَّه هِي صَلَيْكْ
أَبْسِرَكْ دَايِمْ قُبَالِي
الدَّوا فِي مُقْلَتَيكْ
هَلْ تِدَاوِينِي وِتِرْحَمْ
قَلْبِي المُضْنَى الغَرِيبْ
قَبلْ مَا يُحرَمْ وتِنْدَمْ
مَنْ عَيدِّي لَكْ حَبِيبْ؟
يا حَبيبي كَمْ أَحبَّكْ
لَا تِطَوِّلْ بِالغِيَابْ
جَنَّتِي والعُمرْ قُرْبَكْ
كُلّْ مَا دُونَكْ سَرَابْ
يا حبيبي لَيتْ واللهْ
والزَّمَنْ كُلِّهْ لِقَاكْ
جِيْ، وِنِتْوَكَّلْ عَلَى اللهْ
مَا عَيكْفِينِي كَفَاكْ!