ياضيقة بين الحنايا تناحت
الها شهر وشوي عيت تروحي
ويادمعتي يلي على الجفن ساحت
خص يكفيني عظايم جروحي
معاد بي فرحه واحزان حت
ومنها الخيا والمشاعر تنوحي
صدري كما الدله وللهم فاحت
ريحة همومن قاسياتن تفوحي
منها قوي عظامي اليوم طاحت
وسجلت حزن العين في وسط لوحي
كلما سليت شوي ثم قلت راحت
لقيتها في جوف صدري تسوحي
امس المشاعر تالي الليل ناحت
وونت انين الحزن ياروح روحي
على خوين لجله الصم صاحت
اويل حالي ليته اليوم يوحي
ايامه اولى حشا ما تماحت
يبقى عزيزن لو يحطم صروحي
ولو فرحتي لعيونه اليوم زاحت
ليته يعود ايام بس ويروحي
اجدد الذكرى على ايام باحت
ايام راحت مع وفين سموحي
معاه نفسي من عناها استراحت
وعقبه عيوني ما تشوف بوضوحي