غلطتك وانته تحملها

غَلْطَتكْ وانْتَه تَحمَّلهَا

وانَا عَلَيّ أحْمِلْ البَاقي

ذِيْ كلمتي لِكْ وحلِّلها

لِكْ قلتها واعْلِنْ اشواقي

لَوْ صِرتْ بالقصد تجهلها

ووضوحها مِثْل الاشْرَاقي

خذها مَعْ الْشَّوْق برسلها

مَعْ لهفتي وعهد ميثاقي

لا لا تغالط وتهملها

عَيْني لِكُمْ كَمْ تشتاقي

رُوحي وتسمع عواذلها

نَاسٍ لْهُمْ قَصْدِ لفراقي

يَا نُوْر دنياي بأكملها

فِيْ أرْضي وفُوْق الافاقي

مبدأ وآخر وأوَّلْهَا

يَا قصةْ الحب باوراقي

خذني هديَّه وهمِّلْهَا

والحِبّ لِكْ دَايِمْ وبَاقي