كتبت وقلبي الصفحه عليها ينتثر لك دم
علا شان الغلا الزايف يدور عن طريق أعذار
غريبه غربتي وأغرب من الدنيا عذاب وهم
تجرع قلبي الصافي من سموم الزمان أمرار
أنا اللي من عنا الدنيا عليه من المصايب كم
تمايل حضه العاثر مثل من ميله مزمار
تعبت أتحايل البسمه قبل لايعتذر مبسم
عن ثغور السعاده يوم بنتي ياعذاب النار
ولا أعني عنوة العاني ولاني باالعنى مهتم
ولا جيت أنشد بصوت الحناجر يانديم الثار
دعاني قلبي الباني علا وقف السكون الضم
أوجه خطوتي يمك علا هيئة غريب الدار
وأسولف من سوالفكي سوالف عمرها ماتم
وأداري حلمك العامر قبل لاينهدم عمار
أشوف بضحكتك غربه وأشوف بكبريائك يم
لو أنتي من صفا خدك لك بكبد السما تذكار
أنا مريت والغربه لها عظم السعاده رم
ولا ياقف علا ساقه كسير ويرتجي كسار
ولاكن علها خيره لقيتي للحيايا سم
سقتكي من ثناياها بعد رمح الزمن ماغار
وأبرهن لك علا علمي قبل لاتاصلين العلم
أخذتك بالفلك دوره علاشان الفلك مادار
تعلمت آخذ الكرسي الأخير وممتلي بي فم
عن العز العزيز اللي تعزز مايبي معذار
وإلامن الدهر عندي على كف الدقايق زم
حلفت لجسره العالي على عين البشر ينهار
وأنا اللي يرغم الدنيا إذى خشم الليالي شم
وأدق بخشمه العالي بعد ماأرغمه مسمار
وأورد للضمى جاهل ورد من حسرته للجم
وأوسع للحفر عندي على شانه ثلاث أشبار