تدرون كم باقي من أيام ونصوم
يومين ولاّ يوم! ماهي ثلاثة
يا ليتنا نفطر على شوك برشوم
ونبعد عن الغيبة وهرج الغثاثة
ويا ليتنا نبعد عن الذم واللوم
ونبني بصلب الحيد ما هو كثاثة
كم واحدٍمن حين يصحى من النوم
ما غير يحرث للمشاكل حراثه
والمجلس اللى بالسواليف مذموم
ما يحوي إلا أهل الردى والخباثة
مثل الرخوم اللى على جيفه تحوم
طبع الردى متوارثينه وراثه
رفيقهم من طيّب الذكر محروم
وعفن مجالسهم كثير انبعاثه