بكىٰ قلبي علىٰ عشقٍ برد ثم مات
دفنته فالحشا وأعددت له قبره
هديّتي من أحبابي شوي طعنات
قمر مظلم قسا قلبٍ ثقل نبره
ظما محتاج لي من المطر زخّات
شبعت من سحابه جافةٍ غبره
علىٰ تلّ الأمل جالس أعد نجمات
يواسي نورها قلبٍ فتر صبره
أنا فارس سحب سيفه وله غايات
يصد سيل الحزن والسّيل يا كبره
أنادي بس صدىٰ صوتك يرد بسكات
وأهلهل شِعر مبكي يجذب العبره
لها كتبت من ورد الغزل باقات
ولا يهمني إذا القلم نفذ حبره