صفحة الأيام هاليلة بدت
وابتديت احس بأفراحي معاك
أمطرت سحب المشاعر وخفقت
وارتوت ارض المحبة من سماك
وكل ورد الحب في قلبي نبت
وأزهرت روح يعطرها شذاك
سامرتني نجمة الليل وسرت
وأشرقت شمس الأماني في لقاك
وغردت لك نسمة الود وصفت
وكل شوق طار من غصنه وجاك
نور عيني لك مواعيدي وفت
ما تشوف العين في الدنيا سواك
بالوفا شمعة ليالينا ضوت
وكل ظلما تضوي بدنيا وفاك
والحياه اللي تنور بك بدت
وابتديت أحس بأيامي معاك