الوجه طلقٍ والنوايا محابيل
والحق نور يحسم أكبر قضيه
أنا أحمد الله بن هيل ومعاميل
في صرح عزٍ مشرقن نور ضيه
عن ناقصين الكيل ماحط لي كيل
بين الجدي وسهيل عن الرزيه
درب العشق درباً مشوه الرجاجيل
اللي لهم بالعز روحه وجيه
مشوار عمري والسفر والقناديل
أشراق شمسٍ لليال الهنيه
عزه ونوماسه غلا مهرة الخيل
اللي رسنها قاضباته يديه
بصدق المشاعر دون زيفٍ وتظليل
شيدت له صروح عشقٍ عليّه
ماهي هذر قولٍ وركزة مخاييل
للتسليه والا..لغايه دنيه
سامي بعز عن خنا القال والقيل
يسبح بمدار الطهر مع زين نيه
ماهمه اللي من غبن صدقه قتيل
ويحيك له من رجس زيفه منيه
لو أعتزي على صرااااخ.. المهابيل
من..مالكين العرف نلت الزريه
حقيقة شعور المشاعر محاصيل
من مفلسين الخلق ماأطلب حذيه
بالناس طيب وقرب أشوي وحليل
وراعي الأذيه مايخلي الأذيه
والحط.. بعروض.. المقفين.. والشيل..
ماهو لجداني ولاهو ابليه