ع المحطه ع المحطه
واللي شفته ع المحطه
طلعت الخفه ام شنطه
سلم الاتوبيس بنطه
حته مُلعب والاكاده
في القوام والحسن بطه
هي خشت درجه اولى
والكراسي بقت منطه
سابو تانيه وغُُُُلب تانيه
والقطيع على اولى خطى
اللي يهبش في الجونله
واللي يعلا واللي يوطى
بص واحد م اللي هومه
دمهم فلفل وشطه
شاف صنايعي في البريمو
قال له خش هناك ياأسطى
ثانيه انسب للي زيك
دي الحقيقه بلاش مغالطه
الأسطى قال له ياعم روق
دي الحياة تحب المباسطه
وانت شايف مش مغمض
حاجه ملبن حاجه قشطه
ولا يعني الكون ح يخرب
لو فقير يلهط له لهطه