الليل زحف صفى الميدان
على قهوة نص مغمضه
فيه الرفاقه بيشربوا المر شاي
وبيهتكو ستر الحكاوي الطيبة
الضحكتين بيطقطقو قلب الحجر
ويا المعسل والكلام
والقهوه متشالة وشها
اللعبة مين هيغشها؟
غير اللي مزنوق له قشاط
الناس بتهتف للي شاط
العارضة بتحوش الهدف
اللي حدف
ما كسبش ليه خانه
الخط كان الأصل
واللاه المسألة فيها خيانة
راحت عليك الفورة
كسبوك بالورق
والواد في أيديك أتحرق
ساعة ما شاف الكومى
سلم للبنات
البصرة والطابية المحاصرة
ما بين فيلين تبدأ منين
والرقعة ماعاد فيها
الاعسكرى وحصان كسيح