وش تقول اقرب ترى مااسمعك زين
مدري والله وش تثرثروش تقول
الرجال افعال والوقفات دين
ماتغير لا بعرض ولا بطول
مااذكراني حرت وإلا قلت وين
لوتجي بقعاءلقيت لهاحلول
هذا طبع الناس عاون واستعين
وانت طبعك من تعارفناجفول
لاتخلي وضعنامابين وبين
لاتخلي وضعنايمشي خجول
لعنبوالرجال لااقفى يستهين
بالعلوم ولايخاوي إلاالفضول
ولعنبواللي لايقوم ولايعين
ولعنبواللي مايعادي بن سلول
ضاقت اخلاقي وزدت الطين طين
يوم جيت ومالقيت إلاعذول
جيت شاعروالغزل ماهوب شين
عقلي اكبرمن مساحات العقول
ابدوياً من قساته مايلين
اعشق الهايج ولااحب الذلول
لاتقوم ولا تضايق وين وين
لاتضاهربالرضا دامك زعول
عيد قول اقرب ترى ماسمعك زين
صح تثرثربس مدري وش تقول