طعنةٍ منها انعقد قلبي وقال لساني:
"جعل ربي يبعده عني ويسمح دربه"
كني امْلَى قِرْبِةٍ تنقص وانا الغلطانِ
الخطا مني وفيني ما وزنت القِرْبَه
كل ما خلَّصت من واحد يجيني الثاني
الرَّخَمْ ماني ببيه ولا اترجَّى قُرْبَه
كنت اظنَّه لي ملاذٍ يا ملاذ الجاني
بس خابت هقوتي واعلن عليَّه حربه
هيِّنه لو كان جتني منك يا القوماني
مير جتني من صحيبٍ مشربي من شربه
من تردَّى فالردى يا صاحبي مجَّاني
ومن بغا كسب المراجل فالمراجل صعبه