اللى موسخ ثيابه لو يبخرها
مايبعد العفن تبخيره وفيّاحه
والناس من ريحته سدت مناخرها
وهو يفكّر يغطيها تنحناحه
يكذب ونفسه على الشرهه يمسخرها
يحسّب السالفه تينه وتفاحه!
خذ الحقيقه وسجلها من اخرها
ترا الفشل فوق متنك تلبس وشاحه
أحلم على القوم لا تغرق بواخرها!
خلّ المهايط وروّق وارم مشلاحه
ماتقدم الخيل ياللي في مواخرها
عن البطولات خذ كرسي وطراحه
وان كان غرتك نفسك في تفاخرها
ما انت بمن اللى نهار الحرب نطاحه