ماشي زي الضلمة
في المواسير
ماشي زي الدود في توت الحرير
ماشي زي النور في قلب الضرير
والدموع... فين الدموع دلوقت
الدموع هي العيال والكتب
هي قمصانهم وهي الإيدين
هي سقف بيوت بتطربق
وانت نايم جتّة فوق السرير
أنت جسم يعضّ فيه الداء
أنت صاحب غلّ مش أعداء
أنت فاشل يحسد الناجحين
تفتكر دلوقت من غلّك
ستّك العبدة اللي شايلة الطحين
وانت مش عارف تشوف ظلّك
أنت مش عارف علاج العطش
أنت مش عارف علاج الجوع
أنت مش عارف علاج الخيانة
بالطعام والميّه والتسليم
أنت مش عارف علاج الغدر
بالطعام والميّه والتسليم
الشعور بالإنسانية أليم