مَا بقى لَي قَلْب يتحمل جفاك
كِلّ مَا أبعدت يتولَّهْ عَلَيْك
أعطني وصلك مثل ما الله عطاك
مِنْ جميع الخلق وحدك مشتريك
ياشبيهٍ للْثريَا فِيْ علاك
طال صبري يرحم الله والديك
وَيْن مَا تمشي مشى قلبي وراك
يتبع دروبك ونبضه يحتريك
فاق كِلّ أريَام جيلك مستواك
وأخجلت كِلّ الشفاه مِنْ شفتيك
سِعْد منهو يقضي أيَّامه معاك
وأن زعل منّك لنفسك يشتكيك
لَوْ سألت أهداب عَيْني عَنْ غلاك
جاوبتك الْقَلْب كِلِّهْ فِيْ يديك
مَا حَلَا هزْ الخفوق إلّا حلاك
أشهد إنه رابحٍ مِنْ يهتويك
لَوْ يطول الوقت قَلْبي فِيْ رجاك
حايز الخفّاق مَا عندك شريك