صوب دنيا الحب شلتني العيون
صادرت قلبي وقفت واستحت
واتركتني حايرن بين الضنون
ما أذوق النوم ولا عيني غضت
صرت اخط الشعر وازجر بالحون
لوعة العشاق في نفسي سرت
وانشد الونه واغرد بالفنون
وانشد العشاق عن درب البخت
فوق عالي الرمل غنيت بشجون
واشتكي للنجم عله يلتفت
عايش بوحده هيمان امحزون
اهذي ابحبه في كل الوقت
المحبه نار وخبال وجنون
نارها في القلب تشعل ما انطفت
ما قدرت أنساه لو تمضي السنون
وعن خيال الخل نفسي ما سلت
خالقي يا رب أدركني بعون
عوض الي فات وايامن مضت
جمع الأحباب يا ربي بهون
بالمحبة يا عسى أيامي ارتوت