الف
وادور
بينى وبينك شايف سور
كل حيطانه تهد النور
عارف انك مره بنيته
علشان قلبك كان مكسور
بس انا جيت م الباب طوالى
مانا مش عايز الف وادور
عارف انك كنت ف توهه
والافراح منك اخدوها
رسموا طريق الحلم جناين
شمسك طلعت فجاة طفوها
بس انا غيرهم كلى محبه
قرب حبه وشوف النور
اصل انا جيت م الباب طوالى
مانا مش عاوز الف وادور
لو حتعاند يبقى براحتك
حنسى طريقك وابعد عنك
حرسم دنيا جميلة لقلبى
وانت حتبقى فى دنيا لوحدك
بس اكيد انا حابقى ف جنة
وانت ح تلقى طريقك بور
لف ودس ع الشوك واتعذب
انا مش عاوز الف وادور