لي حبيب أحبه حب ما شي عديله
كبر دنيا الخلايق وأرضها والجبالي
عاطفي العباره .. يعر بي القبيلة
حاتمي المكارم .. يوسفي الجمالي
كل ليليه إنتلاقي .. يشتكي وأشتكي له
وابسط إيدي واشوفه طيف عابر خيالي
طيف عابر خيالي .. لمسته مستحيله
لا جزى الله فعلك يا حلوم الليالي
يا علي شوف حالي ما بقت لي وسيله
شوف همي براني واعترى الوجد حالي
أذررف الدمع مالي بالمقادير حيله
غير صبري وصبري قد تعدى احتمالي
البراهين وجدي والهموم الثقيله
البراهين دمعي والعنا وانشغالي
لا تسلني أحبه واعشقه واستخيله
وارخص الروح لاجله منية القلب غالي
لو وصفته .. المعاجم في وصفه قليله
شرحها ما يوفي رقته والدلالي