رنت شافت تبي تلعب معايه لعبة التّيله
كفاها من شقاياها عدل أيام تبكيني
وحقٍ للنبي يوشع توقف له شمس إيّله
ومريم واختها أشياع وزكا طهرٍ يناديني
نبي كل السماء تمطر ثلوج وينفتح سيله
على باب السماء بجلس عسى ربي يعلّيني
توارت في حجايبها سليمان ومسح خيله
أتوب لعزتك ربي عسى الجنة تجازيني
يقيس وماسك الميزان ماله عدّل الميله
وهذا كل ما قتّلهْ عزف لحنه يسليني؟!!
تدور وفتنة الدنيا زْهد زَاهد فقد حيله
جريج وراعيٍ والبنت أرى الدنيا تراويني
عجائب مالها آخر طواها الدهر في ليله
طواها وانتهى حلمي أرى الماضي يداريني
وهذا دهرنا الحالي نحابي في تراتيله
نْجمع كل ما نكذب لْيُحكي كل شي فيني؟!
شكيت وهمي لنفسي تقدّرني على شيله
نحاول نوصل ألدنيا عساها منبع الديني
ويومٍ تاخذ الدنيا وتلعب عندنا تيله
وتحكي عن غرايبنا يكون الماضي أسنيني