خذ قولي وقبل ترجعه افهم الكلام
ماني قاصد مديح ولا مراوي بذمه
الضمير ان ماسعفه باطن الحشى عظام
ماجاب جراحات الزمن نازفات دمه
والولاية تكون دوم من ناس احشام
تحسن صنع المعروف وتبقي روح شمه
حنا لنا ف التاريخ من سالف اعوام
كنا ولا زلنا لليوم خير من خرجت من امه
النجوم هداية جعلت للمسافر ف الظلام
لكن الشمس اوضح ونورها الكون تعمه
حنا في زمن صعب..صغارها اليوم عظام
العاقل ندوسه والجاهل نرفعه للقمه
للاغبياء الحظ توافر لجنابهم وقام
وصاحب الحكمه عاش ومات وخلفه همه
صحيح دنيا ماقساها علينا هالايام
نبحث عن الحب ولا لقينا غير شرب سمه
نباهي بفعال اجداد بلت منهم العظام
كأن التأريخ وقف حده عندهم يمه
ولا عاد يسقي موجه اجيال هالايام
واقلبوا حروف الفتح الى كسر وضمه
كلما صحت نوام بادلوها غيرها نوام
تسرشد النعاس والغفوة لافكارهم تنمه
عيب الحقيقه لبغت تظهر لها قوام
اندفنت مع ظهورها بصفعة وصمه
على خد من حاول يجراء ولا جزام
يمد للنور شي من فكر وجدانه المه
يخارج البغض عصر ما عجز له افهام
يوجد بين طياته صناديق عقول الائمه
وضوح الاصبع في لمس مفاهيم الابهام
وما اجتمع قلبين بصدر مخلوق جمه
والختم اصلي على محمد رسول الاسلام
مبلغ الهداية ناصح القوم والأمه