نهيت القلب عن حبك لقيت القلب يعصاني
ترفق فيه دامنه تركني خاطر عيونك
اهني القلب في حبك واعذره لو تناساني
قليله قلبي في حقك حياتي وروحي يفدونك
احبك من شروق الشمس الين الليل يغشاني
احبك وإن غشاني الليل ونامت بالهنا جفونك
احبك لين مايعجز يردد نطقها لساني
احبك وإن عجز لفظي عيوني ودمعي يقرونك
احبك واعشقك واهواك محبه طعمها ثاني
محبه اكبر من الحب محبة شخص مجنونك
احبك حب سامي عن سواليف الهوى الداني
محبه طاهره فيها ملامح طُهر مكنونك
زرعتي ورد في دربي وزرعتك ورد بستاني
اشمك واقطفك واسقيك دموع عيوني يسقونك
عزفتي لحن في حبي عزفتك كل الحاني
اغنيها بصوت ارعد يحرك ساكن مزونك
غمرني فيضها وأروى مشاعر كانت تعاني
ظما عطف وحنان وحب ظماها قلب مضنونك
ملكتي من الحسن كله جمال وحسن رباني
تسري من لمح وجهك ياسارة من يشوفونك
اشوف البدر في وجهك كمل في ليل عتماني
واشوفه ساعة خسوفه بوجهك والخجل لونك
بحبك واوفي في حبك الين الموت يلقاني
تخون العين صاحبها وانا والله ما اخونك