البنت من رجالها والخيل من خيالها
والضبعة العرجا تحوم تبي عشا لعيالها
هذا من الشعر القديم ما قالها عبد الكريم
أمثال من قول البدو مدري من اللي قالها
الفطن يفهم مقصدي ومالي ومالك بالردي
لا ضاقت الدنيا على سلمى تهز جبالها
ما ضيق لو غيري يضيق وما هو موقف لي طريق
وعيال شمر لابتي صكت على رجالها
عبده مع الصايح جميع والشمّريه ما تضيع
شمر لضاق الزمن كلٍ يقول أنا لها
وأنا غريري يا بعدي حفيد ابن حاتم عدي
عيال عديه العدوات كلٍ يعرف أفعالها
يابنت قومي والعبي أبي أتفاخر بنسبي
من غبنها بعض النفوس يصيبها سلالها
تفاخري بي يامره الذل ما فيه ثمره
كما سربةٍ من ذلها كلٍ شرب فنجالها
صرنا طنايا من طنا ما هو طرب ولا غنى
أشد لحظات الزعل فال الله ولا فالها
ما فيه نجدي وجزري الشمري هو شمري
بأي ديره فيها نزل زم الحمول وشالها
فيني حميه وأسلمي وأهل اللحيسه محزمي
لا عدت بيوت العرب متشيّدٍ منزالها
ولا صرت عبدي ضيغمي سنعوس دمي ولحمي
عبده سناعيس الفخر تعجز تعد أبطالها
وإن قلت سنجاري فخر أهل المراجل والسطر
شيوخ شمر منهم اللي يضل أضلالها
عرب وليدك عربه وكأس المراجل شربه
وخل العلوم مفرقه من دقها وإجلالها
ما يزعل الناس المديح خصٍ إذا مدحك صحيح
والعفن تلقى المرجله تقصر عليه حبالها
واعرف لو طال الزمن الطيب يبقى له ثمن
واعرف ترى نفسك تبي تجزى بنوع أعمالها
وأنا ولاني مستضيق ولا موقف لي طريق
وعيال شمر لابتي صكت على رجالها