يتحرك بندول الساعة
يغازلة بلال
يحرك راسة معاة
يروح لحاجاتة الحلوة
اللى فى حبيبتة
وف صحابة الصحبة
صافيين زى الصحرا
وف عز النشوة
تقطفة صفافير العسكر
ترمية ف مدينة بتتفجر
بهلاوس سكر
وأوهام دراويش
خلف إزاز الشباك
على حافة صمت عجوز
عنيها الدبلانة قوى
بتمد لك تفاصيل الضى
شايفها
تووت
قطر التفاريح مش بيفووت
كل الأوطان أوتو ستوب
حدف كل الناس بالطوب
لجل تغازل بندول الساعة
مش عايز لونك مخطوف
قلق الموت موّت
حلم شريف الوردى
والغصن مطاطى ومكسوف
تووت
زعابيب العسكر
بتملا الوجوود