أحن لك وأشتاق لك وارجع اذكرك
واذكر تفاصيل الحياة القديمة
وأعاتبك ل الليل واشتاق وأسهرك
واشعل بك شموع الغلا يا عظيمة
وأدندنك عودٍ عزف لجل خاطرك
بذاك المكان اللي شعوري يهيمه
أداعبك وألمّ شوقي على آخرك
مع أولك والشوق ينثر نسيمه..
الصبح وجهك والمطر بي تعطرك
هلي غلا من مزنة الوصل ديمه
ودونك شعوري يا غلاية يسامرك
وينثر لك الإحساس مع كل غيمه
يا مهجتي بالشوق جيتك اخاشرك
ما دامك انتي في خفوقي مقيمه
ولو كنت أنا مهموم ما جيتك اقهرك
دايم شموخي ما يعرف الهزيمة
أنا الكبير اللي.. كبر ثم.. كبّرك
من قبل كنتي.. يا صغيرة يتيمة
وأنا الشموخ بعزته ما تصاغرك
تجين واصنع لك كرامه وشيمه
ولا عاش منهو في غيابي بيحقرك
حبيبة الغازي.. وقارك حشيمه
اصنع لك الآفاق لا جيت عاذرك
وابني وصالك حلم روحي تهيمه
من زود جور الوقت لاجيت ذاخرك
لا تتركيني.. ل الجروح السقيمة