اللي لها قلبي يذوق المراره
من بعدها دمع الشقى دوم مذروف
ياروح روح اللي حياته خساره
كنه رهين لحظرة الحب مكتوف
ويصيح ب أصوات الشقى والمراره
تكفين ياعمري ترى القلب ملهوف
تكفين ردي للخفوق إنتصاره
لا تهزمين اللي بالأمجاد معروف
والكل يشر في كلامه إشاره
كنه يقول إني تحملت مكلوف
حملت قلبي فوق..فوق إصطباره
في قلبي الأشواك تمشي على الصوف
أرجوك قلبي لايطول إنتظاره
لا تتركيني بين الأنظار موقوف
ب أسبابكي قلبي يشوف إنهياره
ويترجم المعنى على القاف ويطوف
ويقوم يرفع بالقوافي شعاره
لعيونكي لرفع على اركاني سقوف
وأبني لكي في داخل القلب حاره
وأرسم على النجمه على شانك حروف
انتي وقلبك وإتركي مستشاره
ترى الخفوق احيان للعاشق يشوف
لوعافني قلبك يكون إختياره
في حبكي باين على وجهي وصوف
هاذا قصيدي جاي لمك سفاره
وضحت لك يانور عيني عن شفوف
عاشق تمنى والأماني دماره
من كثرة احلامه سكن قلبه الخوف
من وين ماوجه يشوف الخساره
من همه اللي بالحشى يحرق الجوف
وين الطريق اللي يسره مساره
وين النهار اللي على شوقه يشوف
ياوين يلقى بالكواكب مداره
وين النجوم اللي على بابه وقوف
وش لون يسدل للعذاب الستاره
ب أحضان من هي له على حاله تروف