الوقت ضيق والإجازة قصيرة
والوعد منك للأسف غير مضمون
هذا انت مابين الجميرا وديرة !
وانا مقيد في اتيكات (سوربون)
يلي حملت من الصفات الخطيره
أفكار بن جريون وأفعال شارون
ظلمتني ظلم العرب للجزيرة
تخدم قضاياهم وفيها يسبون
واحرمتني من حب سلمى وميره
إللي على أفكاري وشعري يموتون
مادام تتحرى الامور الصغيره
واشلون قلي يضبط الوضع وشلون
أجيك شاكي شر وقتي وخيره
أبيك تدري قبل للناس يدرون
وتحسب اني بس مجنون غيره
مجنون لا والله ماني بمجنون
لو كل من بيده يقرر مصيره
ماكان اجيك وفي يدي غصن زيتون