خاطرك غالي، أمانة لا يضيق
ما يهمّ الكون فدوة خاطرك
إلاّ روحي وأنتِ روحي والرفيق
ما لي بسمة غير بسمة ناظرك
ما نسيت الحبّ والقلب الرقيق
خابرٍ ضحكة عيونك خابرك
طول عمرك وأنتِ لي شمس وطريق
مخلصة من أولك لين آخرك
النوى بحرٍ وأنا اللي به غريق
آتمسك بك وربّي يا جرك
نختلف أوقات، لكن ما أطيق..
الزعل عندك يطول وعاذرك
لك عيوني لو عيوني بك تليق
أمري بين يديك، من هو يا مرك!
الذهب يبقى ذهب لو هو عتيق
واللي أغلى من ذهب "هو خاطرك"