شوقي لها مثل الإعصار
لا جا هاج معاه الموج
في بحرِ الأشعار
إنْ شفتها هدت الامواج
ورُحت أرفرف مثل ذاك الطير البعيد
وان قست وبعدت وطالت الغيبه
صرت المجروح اللي لا يقدر
يتحنجل ولا يطير
ترا بعدها راحتين
راحة من نار لُقاها
وراحة من جفاها
هي غريبةٍ يوم حلّ الشوق
وقريبة يوم القى نفسي بعيد بهمي
يراودني حلم بنسيانها
وحلم بلقاها وحلم أني
إذا بعدت قربت
ما تعرف نار الحب شتسوِي بقلب
لا حن استوى مثل النار
ولا جفى ضاج وما عاد يحتمل البُقا
ترا هي عنيده وأنا أعترف
إني عاندتها يوم تجافيني
وأعترف إني أخلي
منامها وبالها ينشغل يوم أصد
عساها يوم ترحم
لوعة العاشق اذا رد
وقال عنك مالي مرد