ايه لي قلب يصبر و لي أماني كثير
و لي هقاوي بنفسي تهت بحسابها
لو نشف دم وجهي وصار ما لا يصير
والله إني لا أتل الروح وأرقى بها
لي طموحات تدفعني لدرب المسير
و العزيمه حياتي و أتحلا بها
ما طلبتك محال و لا طلبت العسير
كل ما أبيه نفسي تبري صوابها
حس يا ابن الحلال و خل عندك ضمير
لي أحاسيس يا مخلوق تهلى بها
العما ما يدل الدرب مثل البصير
وإنت عامي شعور وحالك أدرى بها
لو نبت خدّك الورد و غشاه العبير
ما تشيلك عيون تحرق أهدابها
قادر الله يشفي كل جرحٍ خطير
لو جروح الليالي تتعب أصحابها
ايه لي قلب عانا منك شيٍ كثير
و لك بحقي خطايا تهت بحسابها