ضاق صدري يا مداهيل الرحابه
الجمال النخبوي ما فيه حيله
يوم لاح البرق في عرض السحابه
قلت عان الغيث فالشاشه نخيله
رددت كل الفيافي مرحبابه
ما تبقى واديً ما سال سيله
الحيا يسقي معاطيش الصبابه
في تعاليم الضما يروي قليله
حسن وجهك يلهم الفكر الكتابه
من تولع في هواكم عزتي له
الاسامي في عيونه ما تشابه
يعرف الحره من القبا الاصيله
هافيً خصرك مثل قوس الربابه
واللحن منكوس ما كلٍ يشيله
وخدك الي ب اصبعك يظهر صوابه
غطه اعن الشمس لا تخلي سبيله
شفتك تكسر قوانين الرتابه
كيف ثلج وجمر عاشت في فصيله
سعد عين الي تسولف مع جنابه
انت حتى همستك نسمه عليله
وسعد عين الي ظفر بك في شبابه
ساجدٍ فالعشر في ليله فضيله
من يعرف الكيف الاشقر من شرابه
يعرف ان الزين من هاك القبيله