أسوار مبنيِّة على وجيه الفقارى المعدمين . .
قامت قواعدها على آيادي الفقر .. وهله . . . .
حديد؟ كيف إنه حديد وبه ملامح عابرين . .
بيبان مليانة أسا ما تمت ل الواقع صله . . .
أسياب تنبض بالخطاوي المثقلة ب المحبطين.
ي هالمكان اللي على قد إنغماسي "أجهله" . .
تعبت أمد الصوت في صمت إمتلى بالتايهين .
وتعبت أدوّر ل الجواب اللي خنق ه الأسئله . .
عايش على "قيد الأمل" ماني على " قيد اليقين"
أكبر من "الأحلام" وأصغر من غموض المرحلة. .
ياعتاب .. ماكنت أتمنى ل صوتي المنسي يدين .
إلا بعد ما طحت / مالي غير صوتي وأرسله. . .
تعبت أشيل البارح ب وجهي، وإذا البارح: سنين/
عدّت ثلاثيني وأنا يا أرفضه . . أو أقبله . . . .
من برزخ الصمت إنبعث ل أمّي صدى كله حنين،
تعبببت أرتّب حزنها ف الذاكرة وأتخيِّله . . . .
ياحلم مااات ب راحتي: الله على فقدك يعين ..
يا ليل تاااه بدمعتي: حزني عجزت آزمّله . .
ياصوت ضاع ب نبرتي كل ماذكر إنه سجين . .
يطيح من عالي السكوت ل ذكرياتهْ الأوّله . .
حزين؟ لاوالله الا شي أفظظع من حزيييييين..
حتى الفرح من ضحكة الأجواد صرت أتسوّله . .