اركب معي المنطاد ونطير

اركب معِي الْمنطاد ونطير

مثل الطّيورُ مثل الأحلام

ملّيت أشوف الزحمة والسّير

خلينا نشبع حبّ وهيام

ودّي أضمّك حيْل وكْثير

والشّفة منّك حبْر الأقلام

واليوم اسدد كلّ تقصير

من دون فاتورة بالأرقام

وأصحابنا الْغيمات والطّير

والغيم يرْقص سامع أنغام

نغْم الطيور الّي على البير

تشرب بعِد ما صامت أيّام

ودّي احسّك بيت وسْرير

ودّي احسّك نار وخْيام

عشّاق من عالم شِكسْبير

والفلسفة الأحلام وأوهام

في كلّ مشهد لغْز تصوير

أو قصة الأبطال بأفلام

ومغامرتنا إجرامُ وتكسير

ونصير نضحك عند الإعدام

العشق لازم ليْه تأثير

والتضحية اكبر حيث الأحكام

فَي الْعشق خلّك سيل تبذير

الموت ما له جيب وأكوام

وخلينا نبذر هالسّماْء خير

والشمس تشرق غمْز وإسهام

وفي قلبِي منّك ورد نوّير

وبستان قلْبك نخْل وأكمام

الحبّ يزيد الأرض تعمير

وأحلى المناهج دين الإسلام

ما ظنّتي محتاج تعبير

دامك تطوف القلب بإحرام