كن العظام بسم الأفعى قريصة
مافيه عضوآ في مأونس مفصه
علي من فرقا وليفي نقيصه
اركي حشاي براس كوعي وارصه
مره وقله يابن عمه خليصه
قله تراي مؤلفن فيه قصة
قصة غرام وحط روحه رخيصة
ومن خصلك بالحب لازم تخصه
انا اشهد ان الروح شفقى حريصة
احرص من البحار في جمع حصة
والبحر رزقه دوب حوته وغيصه
وكل غيص شاذوب الشواذيب قصة
لقيت لي بالحب ناس بخيصة
واللي مهب بخيص في الحب وصه
حبن تخاشر فيه ذيبه ونيصه
صدرت عنة وخاطري ماينصه
لوكان مالي عن هذاك تحويصه
نزلت ختمي عقب ماضاع فصه