اشتقت وآنا ما امتلك ذرّة احساس
فرقاك عطّل كل الاحساس فيني
مااحب ما اكره ما اشعر بودّ للناس
واللي يبيني زي من لا يبيني
جنّه بليا ناس قالوا ماتنداس
وكل البشر والناس انتي بعيني
ما كنت اعرف انك تجي بكسرة نعاس
عشان اخيّط ياالغلا رموش عيني
اتمقّلك كلك من الساس للراس
واهرب من النبهه قبل لاتجيني
انتي وانا من دون حامي وحراس
بس الجمال اليوسفي يحتويني
مااذكر وش اللي ترتدينه من لباس
عطرك يدوّخ لابقٍ في يديني
ياغيمةٍ تمطر على ارضي الياس
يروى بها عشبٍ ظمى من حنيني
مات الحنين واخضر العشب يبّاس
لكن الى هالحين ابيه ويبيني
مطوقٍ في عقد لولو والماس
ترسم به حروفك اصابع يديني
لو كنت اعرف انك تجي بكسرة نعاس
اكيد.. اخيّط ياالغلا رموش عيني