ليه تقلّد حد تانى
ليه تحاول تبقى غيرك
ليه كده دايمًا تعانى
وانت متقلب ف خيرك
ليه تشوف الحلو فيهم
فيك تشوف السيئات
لو بتسأل هتلاقيهم
شافوا فيك أحلى الصفات
حب نفسك زى ما انت
حب كل حاجه فيك
حب شكلك حب لونك
حب حتى لون عنيك
حب نفسك تلقى نفسك
وان كرهت تعيش تعيس
قوم بنفسك وابني نفسك
متوافقش تكون رخيص
حب وابدأ
عيش لمبدأ
عيش عشان تعمل كتير
قوم وغيّر
شيء صغير
بعد فتره يكون كبير
حب وامسح
دمعك اسمح
للحياه تفرح معاك
قوم وبدد
الحزن جدد
فرحتك هتنول مناك
حب وافرح
مهما يجرح
فيك زمانك وتقاسيه
قوم وقرر
قول أنا أقدر
أعمل اللي أنا نفسى فيه