الله يبعد صوته وصورته وكل ملامحه
الله يبعد ناره وغدره وظلمه وجرحه
بعد ما كنت بتسمع منى
أرق وأحلى وأغلى كلام
بعد ماكنت بعيش على حلمك
وابنى معاك فقصور أوهام
بعد ما سبت الحب فقلبك
جاى تسيبلى دموع وآلام
كنت بحس بهمس شفايفك
كنت بحس بدمع عينيك
لما بشوفك يوم مجروح
باخد قلبى واجرى عليك
بعد ما كنت بدعى لقلبك
إسمع دعوة قلبى عليك
الله يبدل طعم حياتك ويل وجراح
الله يخلى نهارك ليل ما يشوفشى صباح
الله يفرق بين أيامك والأفراح
كنت بدوس على همى وحزنى
وتعبى وألمى عشان أرضيك
كنت بسلم روحي ونفسي
وقلبى وعقلى لحضن عينيك
كنت بصدق وهم رسمته
ان انت عاشقنى بكل ما فيك
كنت بقولك إنى هبيع العالم كله
وابقى شاريك
كنت بقولك إنك وحدك جوه فقلبى
مالكش شريك
بعد ما كنت بدعى لقلبك
إسمع دعوة قلبى عليك
الله يخلى الجرح فقلبك مالى ساعاتك
الله يسود لون الدنيا ف طول أوقاتك
الله يخلى الدمع فعينك يملى حياتك