لو احلف يا سمايا فيك ما افكر .. افكر طرق..!!
واشد الى اخر الدنيا واجيك منوّخ ركابي…!!
عطاك الله تعالى .. جاذبيّة روح .. تسرق سرق..!
وجعَلك ابعد من نجوم السما .. واقرب من ثيابي!
اهلّي فيك .. واضمّك .. لو اتجيني بهيئة .. برق ...!
وموتي ماني بقايل من اسبابك … من اسبابي …!
حشاك اذكرك لا غنى حمام الدوح ولا الورق!
معا (ذكرى) تجي ذكراك يا (قديسة احبابي)..!!
بتفعيله ..بنثْر..بدحه..بحندا..بحُر..بطرق..
اصيغك يا شعوري كلّني قدامك..انتابي….!
سما شوفي بعيني البنات اجمع..وشوفي الفرق..
واذا شفتي رجل غيري بعيني .. بطبق اهدابي..!
يلوموني: سما منهي ..؟! واقول اللي درقتني درق
وسكّرت الدرايش بعدها .. قبل اقفل ابوابي!!
خدمها بكل سوق تنقّل الاكياس حمر و زرق
حبيبة جدّها ما تشري الفستان من تابي
يقولون ابتعد ..مابي !، لو النار تحرقني حرق..!
يبون انساك .. مابي !،لا يقولون انسها ..مابي!
نقيّة دم واطهر ساس ساس ابوك وازكى عرق!
امانه لا تلوميني وانا للحيني اعرابي..!
بعد ما باظفرك عقلك خرق عهد المواصل خرق!!
تعالي نحضر التأبين لغيابك ولغيابي!
سما يا أجمل انثى بالمجره غرب ولا شرق!
وربي انتي احلى من يسوي لايك بحسابي!