تبغ/اربع الا/قلم رصاص/وعيوني
بُن/خمسة الا/قلق يتوضىء أجفاني
ليل يتشعب/تعب/يتوطىمتوني
باب/وحنين/أجمع الغيّاب وأنساني
حزين/مرهق/طفو الغالين/شلّوني
ابتداء من ال أنا/الايام/ خِلاني
ياكثر فيا متى : بجيوبي/بردوني
وكل ماحوالي وكل ماحولي ينعاني
لا الارض أرضي ولا السقف /السما كوني
فقيرحدي وحدي حيل وحداني
يمرني الدمع يتزحلق على جفوني
وارقى/اغنيه يسقط/داخل لساني
أصدعني وأتواعد مع طعوني
عند أول الدمع لآخر آه عنواني
أفكار تلهث أحس ان العطش لوني:
وان جلدي الجدب واني الباقي/الفاني
وألمحني اضحك/اخاف/أشفق على جنوني
واصرخ الين الجنون يرد لي ثاني
اركض بعيني/امر الوحل/من دوني
واسقط عليا/عجز/والوحل يرقاني
ياكثرمابي سلالم ريح وظنوني
تصعد/وتسقط يديها وجيه:عدواني
واذكرني اول مراهق مابعد جوني
خيالة الهم واغتصبوا دفى ألواني
كراستي/اغنيات الشيخ/مضنوني
واحلام امي/الغبيه/ضحكةاخواني
واصوات ربعي/الحمائم/اخضر غصوني
والنافذة اللي تسيل احباب بأحضاني
وعذوق نورة/وشهرالملح/كانوني
وتموز:حضن الدخول لخارج أزماني
كانوابيديني/تناما الجوع/ونسوني
ورديت ليا/أدورهم/ولاألقاني
جدران/وحده/وطموح يشتم سجوني
وشعب امنيات اليبوّس كعب سجاني
كثرالاسامي/كثرماجروحي ابكوني
مشتاق اسولف لحضن امي عن احزاني
مشتاق ليا/لسرالرمل/لمزوني
للعشب/للما/لحلم يبعثرأركاني
مليت أكون السؤال:وليه خلوني
وأرجع اكون الجواب الكل خلاني
ياريت هذي السجاير ناس يغلوني
سخف!أدري وأسخف من التشبيه دخّاني
لكنه اطعم من اطعم كلمة شلوني
واناادري محّد سواي يموت من شاني
آه/عشرة الا/قلم مكسور/مكنوني
ارهاق رفرف/حصير البرد/ناداني
نعسان وادعي على الله مايحصدوني
باكر اذا موسم الاوراق غنّاني
بنام لحظة و أبحضن حنطة شجوني
يمكن على الله القلق لو يوم ينساني