سوق القدم يا قلب والدرب قدّام
حظّك ردي والوقت ما عاد يرحمك
يوم ان بعض الناس للناس خدّام
ناظر شموخك عن ردى الناس يزهمك
سوق القدم حتى ولو كان تنظام
ربّك عن اذلال المخاليق فاطمك
خلّ الطريق اللي تشرّك بالألغام
والله يلوم اللي من الناس لايمك
أزريت أساير يازمن بعض الآنام
حتى انت عاجز لأستسيغك ولا أفهمك
ياليتني بين الكواكب والأجرام
عايش لحالي والمخاليق تدحمك
ناسٍ مكاسبها على خط مرسام
وناسٍ تعلّ كبودها ما تغانمك
ومسلم يفجّر مسلم يطوف بإحرام
لا عاد تستغرب يهودي يلغّمك
وللمشنقه ساقوا جَبروت صدّام
سبحان من يا غيب الأيّام يعلمك
قصرة تَرَاطَن به عبابيد الأصنام
وشلون تبغى يا زمن عاد نفهمك
الحال ما يشبه سوى حال منظام
وتنشد نقول بخير والله يسلمك