التفت شاعرٍ ..! ما مر ف العين : عادي
وده يشوف الارض اشلون ؟ بتشيل همه
يعرف يغنّي ، ل ناسه .. ما يعرف ينادي
لو يروح العظم حشمة ..! ل لحمة و دمه
سار ف ارضه مُحب وله : صدى يا بلادي
يا بلادي ..! وهو اللي معتصب في معمه
يصدح الصبح لا منه سمع .. طير شادي
ويفرح ان شاف .. حتى ل الفراشات لمه
شاف زحمة ..! على القمه : وروّح لوادي
وانزلوا ..! بعد جاء الوادي و حوّله قمة
داخله ممتلي ، ضجة ..! و خارجة هادي
يرتفع ل النخل .. و الورد : ينزل يشمه
شال في صدرة اخوانه .. وعاش انفرادي
ويطمر ل أمر ابوه : و ينصت لجملة امه
فيه ل الحُب طُهر ، وخوف شبه متمادي
وفيه ل المرجلة .. عزه ، و أنافه ، و زمه
هذا انا .. يا اول انثى شلتها في فوادي
احصريني ..! احس ان الرحابة ف ضمة
لا تساوم ضميري ف الهوى و المبادي
وانتي ، وبعدها ..! ما فيه : شيً ..! يهمه
عندي الحُب امانه .. و الوفاء لا إرادي
لا تخافين : وافي ، لو ظروفي .. مطمه
وسّع ..! ابوي مجلسنا مساحة و جادي
بس علمني ان العيب في ..! وسع ذمة
وان تباطيتي ..! غيابي و لا جيت بادي
انثري الدمع وادري الموت لحظة و خمه
يا حبيبي ..! بلاش من الشعور الرمادي
جعلني فدوة ..! عيونه ، وخشمة و فمه
ادري ..! انه بدوني عاش : تايه و غادي
ويدري ..! اني بدونه بين لهفة و غمة
يوم اسافر ..! و انا مجبور واظهر عنادي
قبل اشيل امتعة : حقيبتي شلت همة
حادي العيس والله ماتبي العيس حادي
ضامية مير حد العيس من صوب جمة