وش شعورك؟
لا عشت لحظة بلا شعور؟
لا شواطي... لا مواني... لا بحور
لا مباني... لا أوادم... لا قصور
ولا حضور
الحياة أصلا مشاعر
والشعور أول مشاعر
والوجود بلا مشاعر
فكرة مخلوقة ل عدم
ودك إحساسك تعيشة
وحزنك تبطل تقيسه
ودموعك بعينك حبيسة
واقف بلحظة عبور
جرب تحس بشي
مو مهم يكون حي
جرب تحب إنسان ثاني
يشعل العتمة بضي
ياخي جرب!
وش يضرك
لو تحاول تزرع بقلبك حياة
وتعتلي البسمة على فوق الشفاة
ياخي غريبة
انك تكون أصلا حياة
بقلب واحد ما دريت
وتعيش عمرك في فراغ
والفراغ
يموت في حضرة وجودك
يا برودك!
وش شعورك؟
لا ضاع عمرك من يديك
وعيت الفرحة تبيك
وبين هذي وبين ذيك
تنتظر لحظة شعور
ومع مرور الوقت تلقى
انك الصفقة الأخيرة
في يد الجمهور
وتكتشف انك وحيد
وعايش اللحظة بعيد
وخانق اللحظة بيديك
وتنتظر فرصة ظهور
لا ملامح
لا مشاعر
لا شعور