يالله يالله يامن شي حقوق الغمام
يالواحد الخالق الّلي كلنا نرتجيه
تدلني واهتدي وابدع جزيل الكلام
وأنظم بيوت القصايد بالكلام الوجيه
لما عرضت كل ناقد ما لحقها ملام
فيها المواعظ لمن يحتاج رأيٌ نزيه
الرجل لا كبر سنه والرقل فالعظام
والشوف قصّر وصار النوم ما يهتنيه
ويبات يتلي ونينه والخلايق نيام
يشكي المواجع وصار الزاد ما يشتهيه
لو طاح طيحة بسيطة ما وراها قيام
إلا يقولون عند القبر صلوا عليه
إن كان عنده عمل خير وصلّى وصام
والإ لا فقولوا خسر عمره وتبت يديه