حلم رايح حلم جي
عن احلامنا غربونا
يخرب بيت أبوكوا زي
ماخربتوا بيت أبونا
وقلبنا بحلمه اتجلد
يخرب بيت أبوك ياحسني
ياللي جرفت البلد
من كل حاجه حلوه فيها
بنت كانت أو ولد
يخرب بيت ابوك يامجلس
عسكري وجاب الهدد
برئيس عجوز وكمان مخرف
نام على الكرسي وشرد
يخرب بيت ابوك يامرسي
ياللي قولنالك مدد
جيت وفرقت الحبايب
وعُقد وحدتنا اتفرد
يخرب بيت ابوك يا لهوووووي
يبقى ضعنا وللأبد
يخرب بيت ابوكوا نُخبه
كل يوم تزداد عدد
نُخبه في الأصل نعامه
وع الفضائيات أسد
نُخبه عينها واحده عاميه
وتانيه صايبها الرمد
يبقى إحنا لا حول لينا
ولا قوه ولا سند
يبقى يخرب بيت ابوكوا
وبيت ابونا بدون حسد
يخرب بيت أبوكوا ياللي
للخراب ماشيين تمللي
كل ما نحاول نعلي
تربطونا بميت وتد