الصبحيه ومن كام ساعه
بأيد الراديو
لقيت في اذاعه
خبر بيقول ..
" من كام يوم حدثت في
أوروبا مجاعه"
وعلي افريقيا تبعت قرض
من صندوقها لمليون فرد
شدوا حزامهم .. نبشوا الارض
وخبرنا التالي ..
" قال مسئول في منصب عالي "
إن امبارح كان في مظاهره
وكل الناس مطالبهم ظاهره
كأس العالم كان في ايدينا
مره كمان وناخده لينا
مره كمان ويبقي بتاعنا
لولا دلعنا
في اخر الماتش بيجي فينا جون
وتاخده من ايدنا سيراليون
.. والاشاعات عماله تتقال
كيلو اللحمه بخمسه ريال
لا ياجماعه مش معقول
تغلي اللحمة كده علي طول !!
وخبرنا الهام ...
إننا نرفض أي كلام قاله اخوانا القاعدين
جنب الراديو ولينا سامعين
مالنا ومال اليابانيين ؟
طب احنا وصلنا ! ومين حصلنا ؟
وهما غلابه ومش قادرين !!
ولسه ياساده بطرطأ ودني..
الا ولاقي ايد تزغدني
دعكت عنيا وقولت انا فين ؟
لقيتو ابويا ..
شال الغطا باديه الاتنين
وهو بيصرخ ..
قوم ياخميس
كتر النوم ...
بيجيب كوابيس