مش قلت لك يا زين... يا نور في نن العين
وقت اللقا مكتوب... بمعاد على الجبين
واحنا اللي مش فاهمين
والصبر قالوا دوا... للي رماه النوى
واللي انظلم واحتسب... مأجور على ما نوى
محسوب من الصابرين
يا فجر حلم ابتدى... يفرش في صيفي ندى
خلى خريفي ربيع... خضَّر بساط المدى
بزهور شمال.. ويمين
في هجرة المصطقى... ربك أراد الوفا
لقلوب بنوره اهتدت... ونفوس ملاها الصفا
في مجتمع ظالمين
قالوا لي بكره العيد... جاي لك ببدر جديد
من فرحه قلبي بكى... بالنبض غنى نشيد
يا ميت هلا يا زين
يا نور في نن العين