يامبارك القرم خبّرني عن الديره
وشلون جو البلد من قبل لا جيها ؟؟
بشّر عسى الغيم لاحت لك تباشيره ؟
وغزلان طنطا عساها في مفاليها ؟؟
ان وافقت خير وان ما وافقت خيره
وان قاله الله بعد يومين ناتيها
وعقلك مع الوقت لا تشغل تفاكيره
عش لحّظتك واترك الدنيا وما فيها
ياصاحبي صاحبك كثرة مشاويره
ف القاهره جعل رب البيت يسقيها
مابين توصيله ورجلي وتأشيره
ولوازم ياحمد لا زم نقضيها
وغزلان ذا الدار يابوفيصل اكثيره
بنصيدها ونتقاسمها ونشويها
احسن من اللي تحط الفكر في حيره
اللي تزعلك وانت اللي تراضيها