يا صوتها الحساس بشويش لااطوش
تسري على..مسامعي في لطافه
إحساسي اللي يسمع الصوت ويشوش
ويعزف لك الإبداع في وسط قافه
يا سكرة يا كيك.. مدري ماكنتوش
سكر عذيبك.. في.. حلاة الكنافة
ودي أطولك في ضلوعي وأنا أحوش
كل الغلا المكنون فيك ب رهافة
وأجيك وأنا من عنا الفقد مدهوش
ولا همني لو صار دونك كلااااافه
يا باذخه ليت.. المعاني بك تنوش
وصف المعاني تنهطل في كثافه
(أميرة الغازي) حلا مُلك وعروش
سلطانة الأعماق.. عقب الخِلافة
جيتك اغني بك شعر سلهم رموش
يا عين من تقصر حلاها المسافة
مغناي حبك داخل الروح منقوش
حبٍ خذى كل السحر في عفافه
جيتك غلا بجيوش تنطح لك جيوش
تبلْ بي روحٍ.. عثت به جفافه
وأصبحت أنادي وينه اليوم يا طروش
ما منّكم من جاب علمه وشافه
في داخلي حبٍ غدى اليوم منبوش
نبشوا به.. العِذال حد التلافة