ياضيقة الصدر خليني على كيفي
العمر نصه جرا ضيقه وتنهيته
الى متى تجحدين اكبر معاريفي
الصبر بينك وبين النفس خليته
وإذا كبرتي ترى ماعزمي اضعيفي
أعزومي اقوى من الضيق وعفاريته
أبطيت ماخذت سجه من تصانيفي
وابطيت ماشفت ابو صايل ولاجيته
كاسرك كاسرك لو تبدين تخويفي
واهديك ياضيقتي من كره تشتيته
واسج مرتاح مع راع المواقيفي
في ديرة يمها ما يوم خاويته
الديره اللي مانيب احبها الصيفي
احبها في الشتاء وان صار وديته
ببعد عن الحاضره وابعد عن الريفي
وارجع لحالي هذاك اللي تمنيته