عند الغفيص الله يحيي كحيلان
وأبن غضيّه نشكر اللي سعا به
النصر خلانا معازيب واخوان
صرنا تحت ظله نمثل قرابه
ياسيدي يا سيد المدح قل.. هان
منهو سمع مدحي بك انت وشقا به
لو ما امدحك ما ظنتي باقي انسان
يستاهل اني احتزم في جنابه
وانته حفيد المجد.. والجود سلطان
وابوك تركي والفعايل تشابه
العز لك ياعالي الصيت عنوان
طيب وتواضع زدت فيها مهابه
فيصل ولد تركي وتركي بليهان
صقر السما وفالارض ذيب الذيابه
عالي مقام ومنزله عاليٍ شان
والبيّد قفرا وانت اكرم سحابه
لو ان في هالكون ذا منك اثنان
ان كان ما نشكي فلول الرتابه
لنك وطن في داخلك كتلة اوطان
عندك مصير المعضله صك بابه
للمجد قايد للمواجيب مزبان
للفوق فوق وللثقيله صلابه
وكرسي الرئاسه ما يبي غيرك الان
انت الرئيس ولا لغيرك طلابه